drip irrigation : राज्यशासनाकडून शेतकऱ्यांना शेती व्यवसाय करत असताना सिंचनाची सुविधा उपलब्ध व्हावी, यासाठी तुषार व ठिबक सिंचन अनुदान तत्त्वावर उपलब्ध करून देण्यात येतं. शेतकऱ्यांना सूक्ष्म सिंचन drip irrigation scheme अंतर्गत तुषार व ठिबक सिंचनासाठी महाडीबीटी पोर्टलच्या माध्यमातून अनुदान देण्यात येतं. नुकताच केंद्रशासनाकडून सूक्ष्म सिंचनाच्या धोरणात मोठा बदल करण्यात आलेला असून याचा थेट फायदा शेतकऱ्यांना होणार आहे.
ठिबक-तुषार सिंचन धोरणात बद्दल
शेतकऱ्यांना ठिबक व तुषार सिंचन योजनेचा जास्तीत जास्त लाभ मिळवता यावा, यासाठी तुषार किंवा ठिबक सिंचनाचा लाभ घेतल्यानंतर 7 वर्षाऐवजी 3 वर्षाची अट ठेवण्यात आलेली आहे. म्हणजेच शेतकऱ्यांना आता तुषार किंवा ठिबक सिंचनाचा लाभ घेतल्यानंतर परत 3 वर्षांनी त्याच क्षेत्रावर लाभ मिळवता येणार आहे. यापूर्वी तुषार किंवा ठिबक सिंचनाचा परत लाभ घेण्यासाठी शेतकऱ्यांना 7 वर्षे वाट पाहावी लागत असत.
राज्यातील शेतकऱ्यांना केंद्राच्या राष्ट्रीय कृषी विकास योजना व प्रधानमंत्री कृषी सिंचन योजना अंतर्गत सूक्ष्म सिंचनासाठी प्रति थेंब अधिक पीक या उपक्रमाच्या माध्यमातून अनुदान देण्यात येतं. या योजनेमध्ये पूर्वी एखाद्या शेतकऱ्यांनी तुषार सिंचनाचा लाभ घेतल्यानंतर पुढील 7 वर्षासाठी त्याच क्षेत्रावर शेतकऱ्यांना लाभ मिळवता येत नव्हता; परंतु आता सदर योजनेतील ही बाब कायमस्वरूपी काढून टाकण्यात आल्यामुळे शेतकऱ्यांना 3 वर्षानंतर सिंचनाचा लाभ घेता येणार आहे.
शेतकऱ्यांसाठी दिलासादायक निर्णय
शासनाच्या या निर्णयामुळे ठिबक व तुषार सिंचनासाठी अर्ज करू इच्छिणाऱ्या शेतकऱ्यांना चांगलाच दिलासा मिळालेला आहे. कारण 2 ते 3 वर्षानंतर काही कारणास्तव ठिबक किंवा तुषार उपकरण निकामी झाल्यास शेतकऱ्यांना बाजारात मोठी रक्कम देऊन बाजारातून ही उपकरण खरेदी करावी लागतात; परंतु शासनाकडून आता 7 वर्षाऐवजी 3 वर्षांमध्ये परत सिंचनाची सुविधा उपलब्ध करून देण्यात आल्यामुळे, शेतकऱ्यांना परत 3 वर्षांनी ठिबक किंवा तुषार सिंचनासाठी अर्ज करून अनुदान मिळवता येईल.
👇👇👇👇👇👇👇👇
ठिबक, तुषार सिंचन नोव्हेंबर पात्र लाभार्थी शेतकऱ्यांची यादी